Во моментов додека го читате овој текст голем број луѓе низ целиот свет нарачуваат пица од американскиот сервис „Папа Џонс пица“ (Papa John’s Pizza). На нивните паметни телефони можат да следат до каде е и кога ќе пристигне нарачката благодарение на млади информатичари од Тетово. Токму тие го имаат направено компјутерскиот софтвер за ГПС-системот кој служи за нарачка на пица преку интернет.
Смислен е во Универзитетот на Југоисточна Европа (УЈИЕ), односно во една од стартап-фирмите што функционираат во рамките на Технолошкиот парк. Фирмата се вика Develosity, а информатичарите успеале да создадат и да продадат професионален софтвер за сервиси на сите три платформи – интернет, Андроид и ИОС. Така дури милиони клиенти од 5.303 локации на сервисот „Папа Џонс пица“ добиваат пица нарачана преку софтверот осмислен од млади лица што работат во младата тетовска компанија,објави Факултети.мк, тема на дописникот од Тетово, Александар Самарџиев.
Најголем дел од дејностите на компаниите во рамките на Технолошкиот парк се во областа на информатичката технологија. Се нудат разни услуги и дигитални производи.
Целиот текст тука
