Во тетовскиот регион се бележат нови 34 случаи со Ковид-19 од кои 26 се од Општина Тетово. Како оздравени се евидентирани 18 лица. Активно болни се 304 лица, додека вкупно дијагностицирани 1761.
Министерството за здравство информира дека во последните 24 часа се направени 2140 тестирања, а регистрирани се 408 нови случаи. Денеска Институтот за јавно здравје регистрира 280 оздравени пациенти.
Починати се 4 лица, двајца пациенти од Скопје (64 и 77г), еден од Ресен (59г) и еден пациент од Битола (76г). Од нив еден пациент е починат вон болнички услови, останатите се починати во болница.
Вкупната бројка на ковид дијагностицирани во нашата земја од почетокот на епидемијата изнесува 24196, бројката на оздравени пациенти е 17672, на починати е 850, а во моментов бројот на активни случаи во земјата изнесува 5674.
