Со свеченост беше означен почеток со работа на нова канцеларија во Тетово на компанијата Т&С Македонија која нуди телемаркетинг услуги во Швајцарија. Во оваа канцеларија се предвидени 60 работни места за луѓе со познавање на германскиот јазик.
– Станува збор за телемаркетинг сервис кој што соработува со ИМ Финанциал Груп швајцарска компанија и вршиме маркетинг услуги, посредништво и брокерство за други компании со кои имаме соработка како и за граѓани во Швајцарија, истакна претседателот на компанијата Арѓент Имери.
Ова е четврта канцеларија на ниво на државата. Првата и главна централа на Т&С Македонија е во Скопје, втората во Ресен и трета од порано отворена во Тетово. Во трите веќе постоечки канцеларии има 80 вработувања.
Новоотворената канцеларија во Тетово се наоѓа во објектот кај кружниот тек на булеварите Илинденска и ВС-Бато (Индустриска) додека првата канцеларија е во Блок 70.
ИМ финанциал груп, ТС Македонија и Смартфон во Косово се трите фирми кои заеднички соработуваат во Македонија, Косово и Швајцарија.
А.С
