Во рамки на месечните активности Здружение на дијабетичари „Дијабет Полог“ од Тетово на учениците од прво одделение и градинката во основното училиште „Прпарими“ во Голема Речица им додели 80 новогодишни пакетчиња. За децата беше подготвена новогодишна забава за која беше ангажиран и Дедо мраз за да им ги додели новогодишните подароци.
– Ова се дел од планираните и редовни активности на здружението. Се надевам дека децата пријатно се изненадија и убаво поминаа. Ние ги посетивме и децата кои се згрижени во Дневниот центар за лица со посебни потреби во Тетово кои исто така добија новогодишни пакетчиња, а ќе ги посетиме и пензионерите сместени во пензионерскиот дом, изјави Клара Сандева, претседателка на Здружение на дијабетичари „Дијабет Полог“.
На почеткот од месецот Здружнието организираше едукативна сесија од офтамолог како и специјалистички преглед за очите. Во поширокото тетовско подрачје има 7200 евидентирани дијабетичари, од нив 4200 се на инсулинска терапија, а меѓу дијабетичарите 50 се деца.
А.С
