Претставници на тетовското Обвинителство и службеници на германската амбасада беа заедно на местото каде изгоре модуларната пожарот во тетовската болница, во пресрет на доаѓањето на експертскиот тим од Федералната криминалистичка полиција на Германија, кој треба да помогне за утврдување на причините за пожарот во модуларниот Ковид центар.
-Во меѓувреме, тимот обвинители од тетовското и скопското обвинителство продолжува интензивно да презема дејствија за испитување на трагичниот настан. Се очекуваат резултатите од наредените вештачења и се врши распит на сите лица кои со своите сознанија би можеле да помогнат за откривање на причините за пожарот, информираат од Јавното Обвинителство.
Од тетовската болница немаа информации што точно се прави денес. Лекарите и медицинските техничари кои биле ноќта во модуларната болница веќе дали искази во Обвинителството.
-За тие информации немам податоци, тоа ги прочитав и јас сега дека наводно стигнале. Не знам како иде процедура за тоа ќе ве обавести управата. Јавниот обвинител побара информации од сите тие вработени кои биле таму во моментот на трагедијата. Тие биле повикани таа ноќ, биле неколку часа биле и утредента, и дале таму изјави, изјави Д-р Гзим Нуредини, координатор во тетовскиот Ковид центар.
По оставките на двајцата директори Флорин Бесими и Артан Етеми се уште нема информации за нови раководители.
-Немам такви информации, ќе видиме од управа како е законски и како ќе се реши. Во овие денови ќе видиме како ќе функциониа. Болницата не може да остане без потписници бидејќи има технички работи, лекарства, плати итн за два три дена ќе ве обавестиме. Немам правни информации не знам како тоа е решено, рече Нуредини.
За тоа како се најде снимка од надзорната камера на социјалните мрежи д-р Нуредини рече дека нема информација.
Дванаесетте пациенти кои го преживеаа пожарот биле прегледани од психијатри.
-Тие се пациенти кои биле трауматизирани од психолошка природа и биле прегледани од психијатар и биле констатирано дека се работи за стрес ситуација која тие ја преживеаа. И сите се во релативно добра состојба, сите во на кислородна поддршка. Очекуваме идните денови да бдие подобро и да бидат пуштени дома, рече лекарот.
За 24 часа нема починати од Ковид-19, додека има нови пет нови луѓе кои се примени на болничко лекување како и 75 амбулантски прегледи.
ас
