Од печат излезе книгата „Огреала месечина од Солуна до Тетоо“ на авторот и публицист Владимир Кочоски, поранешен новинар и библиотекар. Станува збор за книга која е продолжение на делото „Песни и судбини“ од 2006 година.
-Како во претходната книга така и во оваа обработувам како настанале познатите тетовски песни, односно за судбините на луѓето кои на одреден начин биле испеани. Во најновата книга има текстови за седум песни меѓу кои и една од најпознатите „Огреала месечина од Солуна до Тетоо“. Во оваа песна се опишува животот на Кољо бакалинот кој во својот дуќан имал најквалитетна роба но проблемот за него бил што редовно морал да им дава вересија пред се на жените чии мажи биле на печалба па наплаќал кога ќе се врателе дома. Такви биле и трите снаи на Ѓоре од Сетоле, вели авторот Владимир Кочоски.
Тој потенцира дека во шест од седумте песни се обработува претежно тажните и трагичните судбини на народот и предизвиците со кои се соочувале во минатато.
-Само „Бог да биде Јоше Ќупче Бојанин“ е хумористична песна, песни, другите песни се за жал за трагичните судбини, вели авторот.
Во „Песни и судбини“ од 2006 година, има 15-тина текстови за познатите песни како „Срце ме боли за Трпана“, „ Благуњо дејче Пожаранче“ , „Кажи Епсо Димушеа“ и други.
Владимир Кочоски е автор на вкупно 9 книги.
А.С
