Во Тетово Денот на народното востание 11 Октомври се одбележа со полагање букети цвеќе пред Споменикот на револуцијата, во организација на општинската организација на Сојузот на борци и тетовскиот гарзнизон при касараната Кузман Јосифоски-Питу.Чествувањето започна со интонирање на македонската химна и едно минутно молчење во чест и слава на сите загинати борци во Народо-ослободителна борба и припадници на АРМ.
-Поттикнати од Илинденско востание кога се почувствува слободата во 1941 повторно се јави истиот револуционер дух за кревање ново востание. Се редеа битки и создавање на нови партизански одреди, се раѓаа нови борци и партизани кои стремеа кон исполнување на вековните идеали за слобода и самостојност, истака во својот пригоден говор Јоцко Димитриевски, претседател на тетовската општинска организација на Сојузот на борците.
На одбележувањето цвеќе пред Споменикот на Револуцијата положија делегации на општина Тетово, општинската организација на Сојузот на борци Тетово, од касарната Кузман Јосифовски Питу, општинска организација на СДСМ Тетово, општински комитет на ВМРО ДПМНЕ Тетово, резервните воени старешини, Сојуз на воени инвалиди, Здружение на пензионери на Тетово и Македонско-хрватско друштво.
Од општинската организација на СДСМ од Тетово празникот го честиташе секретарот Илија Димитриевски.
-Денот на народниот востание 11 Октомври е дел од македонската историја и симбол на македонската борба за темел на нашата државност. На овој ден им оддадавме почит на сите учесници во народно ослободителната војна и во вооруженото антифашистичко народноослободително востание.
Од овде од Тетово во име на Социјалдеморатскиот сојуз на Македонија Вам
Ѓоце Илиев Стојчески-Амбарче, Тодор Пецов Циповски-Мерџан, хероите од Тетово кои не го дочекавте овој светол ден Ви благодариме за храброста, Ви благодариме за слободата, Ви благодариме за нашата иднина. Благодарение на Вас ние денес чекориме напред. Нека е честит 11 Октомври, истакна Димитриевски.
Од општинскиот комитет на ВМРО ДПМНЕ од Тетово празникот го честиташе претседателот Ангел Карапетров.
-На сите граѓани на Тетово и на Македонија им го честитаме денешниот празник кој е продолжение на Илинден и посакуваме во иднина во европска демократска република Македонија да го чествува со задржан идентитет и име, истакна Карапетров.
