Во касарната „Народен Херој Кузман Јосифовски-Питу“ во Тетово денес се одбележа 27-ми Август Денот на 3-тиот механизиран пешадиски баталјон, воената единица стационирана во воениот објект. Командантот на единицата потполковник Изеир Ејупи потенцира дека единицата во изминатиот период учествуваше во воени вежби, помагаше на МВР во мигрантска криза и дека по подолго време работеше на подобрување на инфраструктурата во касарната.
-Покрај задачите кои произлегуваат од нашата мисија, оваа година работно се ангажиравме во оградување на касарната со што се промените ликот стар пет децении, а дадовме нов попристоен лик на касарната за наредните децении, истакна потполковник Изеир Ејупи.
На свеченоста по повод денот на единицата беа доделени унапредувања, пофалници и благодарници. За најдобар состав во единицата беше прогласен 1 огнен вод. Дел од прославата беше културно уметничка програма како и свечено дефиле на дел од техниката и опремата со која располага единицата.
-Денес одбележуваме уште еден ден во вековната борба и стремежите на генерациите за слободна и независна Република Северна Македонија, а денешната свеченост е прилика да се потсетиме на нашите славни предци и нивните херојски дела, исткана во пригодното обраќање полковник Бесник Емини,командант на 1-ва механизиран пешадиска бридага во чиј склоп е тетовскиот баталјон.
27 август е одреден како за ден на 3-тиот механизиран пешадиски баталјон во спомен на 15-тата Поречка ударна бригада формирана на 27.8.1944 во Брезница, Македонски брод. Бригадата учествувала со повеќе од 1100 борци меѓу кои и 12 жени во Народно-ослободителната војна.
