Одборот на бранители и нивните здруженија денес не го посетија Вејце каде на 28 април 2001 загинаа осум припадници на безбедносните сили, а за медиумите истакнаа дека се револтирани што секоја година наназад се кршат спомен плочите на тоа место, за што нема казнето сторители. Претставници на Одборот на средба со медиумите истакнаа дека никогаш не е доцна државата да направи нешто повеќе за луѓето кои ги дадоа животите за одбрана на татковината.
-Државата ги повика, а тие го дадоа најсветото животот. Државата не се оддолжи ни на нив ни на останатите бранители кои останаа живи од конфликтот. Денеска сме долу во градот не чествуваме на Вејце во знак на револт. Бидејќи куртоазното појавување на политичките партии, чествувањето со малку цвеќе суштински не донесе никаква промена за бранителите, изјави Жарко Милевски од Одборот на бранители.
Спомен обележјата за бранителите да останат кај Вејце побараа тие. Во овие 21 година сите плочи кои биле поставени,веднаш се искршени и никогаш не се нашле луѓето кои тоа го направиле.а сторителите.
– Бранителите и ден денес се маргинализирани и ден денес на можат да ги чествуваат места на погибијата на своите соборци. Плочите кои се ставени на сите места на погибија ги нема. МВР дава штуро објаснение дека се работи, 15 години не е сторено ништо. Не знам дали е прогласена екс-територијалност па не можат да делуваат или се тотално неспособни за една мала ситуација да изнајдат решение, изјави Милевски.
Овие поранешни припадници на безбедносните сили додаваат и дека за оние кои го дале животот не е доволен ниту Законот за бранители бидејќи немало суштинска промена во државнат грижа за нивните семејства.
