Општина Тетово информира дека од денес започнува да се наплаќа зголемен износ доколку неправилно паркирано возило биде подигнато од специјалниот камион „пајак“. Воедно информираат дека за две недели ќе биде поскапо и зонското паркирање.
-Казната за подигнување на возилот од пајак службата ќе биде 1300 денари, додека за преместено возило 1800 денари. Ве молиме за разбирање и истовремено ве замолуваме да се придржувате на сообраќајните правила како би придонеле заеднички да делуваме за зачувување на редот и мирот на сообраќајниот хаос во градот, велат од Општина Тетово.
Од 28 јануари ќе почне спроведувањето на одлуката на Советот за повисоки цени за зонско паркирање. Цена за зона А ќе биде 40 денари за еден час, додека во зона Б 30 денари. Во затворените паркинзи годишна карта ќе биде 3000 денари.
-Информационите табли се во изработка, истите ќе бидат поставени кога ќе се подобрат временските услови за нивна целосна замена, соопштија од Општина Тетово.
Вчера градоначалникот Биљал Касами на прес-конференција презентираше план за проширување и зголемување на паркинг местата во градот. Се планираат повеќе места за зонско паркирање, нови затворени паркинзи и катни гаражи.
ac
