Од утре започнува Богородичниот, односно Успенскиот пост и трае две седмици се до Успението на Божјата Мајка познат во нашиот народ и како Голема Богородица на 28 август.
Црковниот типик пропишува од понеделник до петок храна без масло, а во саботите и неделите се дозволува вино и масло. До празникот Преображение Господово, кога во храмовите се осветува грозјето, Црквата нe задолжува да се воздржуваме од тој плод. На празникот Преображение Господово, според црковниот типик на трпезата се дозволува риба.
Утре се одбележува денот на Седумтемина Макавеи, нивната мајка Соломонија и свештеникот Елеазар. Овој празник го одбележува црквата Свети Атанасиј во тетовско Глоѓи со водосвест и црковно-народен собир.
