Полициски службеници на СВР Тетово денеска (8 декември) од 8 до 14 часот, спроведоа акциска контрола за брзина, во која било откриено и санкционирано 151 возило (ТЕ-124 и ГВ-27), кое ја пречекорило максимално дозволената брзина надвор од населено место, претежно на автопатот Гостивар-Тетово-Скопје.
Седум од пречекорувањата (ТЕ-5 и ГВ-2) биле за повеќе од 70 километри на час, а 66 пречекорувања (ТЕ-46 и ГВ-20) за 50 до 70 километри на час.При контролата, исто така, санкционирани се и 47 пречекорувања на брзината (ТЕ-29 и ГВ-18) во населено место, а санкционирани се и 10 (ТЕ-7 и ГВ-3) други видови сообраќајни прекршоци.На сите прекршители изготвени им се соодветни поднесоци и ќе се соочат со законски предвидените парични глоби.На пребрзите ќе им бидат времено одземени и возачките дозволи од 3 до 12 месеци
СВР Тетово уште еднаш апелира до возачите да ја прилагодат брзината според условите на патот и да придонесат за сопствената и безбедноста на другите учесници во сообраќајот во поширокиот Полошки региона
