Полициски службеници на СВР Тетово денеска (30 декември) од 9 до 13 часот, спровеле акциска контрола на возила кои вршат јавен превоз на патници.При контролата, биле откриени и санкционирани 3 возила (ТЕ-1 и ГВ-2) со неисправни сопирачки, кои веднаш се исклучени од сообраќајот, а на возачите изготвени им се соодветни поднесоци.Санкционирани, исто така, биле и 4 други прекршоци направени од ваков вид возила (ТЕ-1 и ГВ-3), како и 3 други видови сообраќајни прекршоци (ТЕ-2 и ГВ-1).
СВР Тетово во пресрет на празниците апелира до возачите да не тргнуваат на пат со технички непроверени и неисправни возила, да не возат пребрзо и да не седнуваат зад волан под дејство на алкохол, без положен возачки испит или изморени и ненаспани.На тој начин непосредно ќе придонесат за поголем ред на патиштата и за поголема лична и безбедност на другите учесници во сообраќајот во Полог и пошироко.
