Соопштение до јавноста испрати општинскиот комитет на ВМРО ДПМНЕ од Тетово
И оваа година 11 Октомври- “Ден на народното востание на македонскиот народ” во Тетово се одбележа без спомен-бистите на народните херои Тодор Циповски-Мерџан и Ѓоце Стојчевски-Амбарче, кои пред тринаесет години, поради реконструкција на градскиот плоштад, беа отстранети. Општината ниту организира, ниту испраќа високи претставници на одбележување на државните празници во Тетово, иако сите знаеме дека за време на НОБ, загинале многу лица од различни етникуми токму од овој град.
Почитувана градоначалничке Теута Арифи и локална власт предводена од ДУИ и СДСМ ве прашуваме : Дали вака ќе градиме едно општество за сите ? Дали вака се унапредува еднаквоста и се создадава кохезивно општество со европските вредности ? Кога општина Тетово ќе ги врати бистите на народните херои и со тоа ќе покаже почит кон паднатите борци за слобода на Македонија ?
Со почит, Центар за комуникации на ВМРО-ДПМНE ОК Тетово
