Денешниот здравствен систем во Република Македонија, како и состојбата со лековите кои се наоѓаат на позитивната листа се евтина шминка како и вчерашната прес конференција на Дијана Војновска од СДСМ. Триото Зоран Заев, Ден Дончев и Венко Филипче го уништуваат здравството. Неспособноста и лагите на Владата предводена од СДСМ се гледаат секој ден, и на секој чекор. СДСМ е болест за македонското здравство!
Ги прашуваме Дали СДСМ во здравството се води по максимата кој има пари тој ќе преживее ?
Дали СДСМ работи на демонтирање на јавното здравство и затоа не се инвестира ништо во него?
СДСМ е партијата која парите во здравството наместо за реновирање на болници, градење на нови, набавка на опрема, ги троши за богатење на нивни блиски луѓе и блиски компании.
Власта предводена од СДСМ уште не го реши случајот меѓу народот познат како Рекет, кога на виделина веќе излегуваат детали за нов скандал наречен Рекет 2 каде инволвирани се лица од Фондот за здравствено осигурување и од Министерството за здравство.
СДСМ си даде за право, јавно да говори за достапност на лекови по аптеките, кога граѓаните секојдневно реагираат на случувањата како во болниците така и во аптеките.Дали е точно дека постојано има доцнење со јавните набавки на лековите?Дали е точно дека кога ќе се изврши набавката, таа е двојно и тројно поскапа и е со понизок квалитет, а тендерите ги добиваат лица блиски до СДСМ? До каде е разрешувањето на скандалот со вакцините со поминат рок на траење? До каде е платата од 100,000 денари за лекарите? Што има СДСМ направено за здравството во Тетово ? Дали е точно дека од Буџетот на Република Македонија извлековте 1 милион евра за лубриканти, замислете 1 милион евра за што, за лубриканти, а секојдневно има апели за телефонски донации за лица на кои им е неопходна итна операција?
Да заклучиме, Не го решивте проблемот со недостиг на квалитетни лекови. Наместо да го поедноставите, вие го усложнивте работењето на матичните лекари, не го исполнивте ветувањето за платата на лекарите и од таа причина има масовен одлив од јавното и трансфер во приватното здравство, како и заминување во странство на високо квалификуваната работна сила од здравствениот сектор.
Доколку не се преземат итни мерки со кои лекарите и медицинските сестри ќе се задржат во земјава, ќе останеме без нив. Без лекари и друг медицински персонал, метежите ќе се зголемат, а ќе се зголеми и можноста за лекарски грешки зашто тие што ќе работат ќе бидат преоптоварени, а со тоа постои ризик од зголемување на смртноста.
СДСМ од прогласување на независноста на Република Македонија работи по иста матрица, лажни ветувања и животинско грабање на власта, а потоа следува разграбување, продажби и трошење на парите преку сомнителни тендери.
Тоа е кривиот пат, а народот после 3 години погубна политика, никогаш, ама буквално никогаш не треба да ги рехабилитира за сторените неправди.
