Општина Брвеница постави грпки на патишта во три населени места со цел да се обезбеди поголема сообраќајна безбедност, информира градочалникот Јовица Илиевски. Таканаречените лежечки полицајци се од монтажен тип, а поставени се соогласно основен сообраќаен проект и тендерска постапка.
-Ова беше децениски проблем во Општина Брвеница и особено во Брвеница. По изготвување на сообраќаен елаборат го дадовме до МВР Тетово, добивме позитивен одговор и почнавме со поставување. Станува збор за главните улици низ селата кои се дел од регионалните патишта и се често место на сообраќајни несреќи со фатални последици поради брзо возење. Поставени се пред училишта и пред други установи, изјави Илиевски.
Поставени се вкупно девет вакви сообраќајно технички решенија за забавување на сообраќајот. Од нив пет во Брвеница и по две во Радиовце и Челопек.
-Таргетирани се најкритичните точки претежно пред училишта за забавување на сообраќајот, меѓутоа и на критички точки каде често се случуваа сообраќајни незгоди. Тие се во првиот проект, со надополнување, ако има потреба и во останатите села ќе поставуваме лежечки полицајци. Согласно со закон и со проект, изјави Илиевски.
Регионалниот патен правец Р2233 од Тетово кој минува низ Брвеница до Чегране е делница на која често пати има сообраќајни незгоди во кои и имало и смртни случаи. Во 2010 година смртно беше прегазено четири годишногодишно дете, а во 2012 година 40 годишник. Чести се и излетувања од патот, па возилата завршуваат во дворовите на куќите на главната улица.
ас
