Градоначалникот на Брвеница Јовица Илиевски и амбасадорот на Јапонија Хиронори Савада, потпишаа договор за грант со чии средства општината ќе набави ново возило за комуналната служба.
-Проектот за обезбедување на Општина Брвеница со комунално возило во износ од 67.026 евра има за цел да го подобри квалитетот на комуналните услуги за граѓаните. Новото комунално возило обезбедено од администрацијата на општина Брвеница ќе му овозможи на општинското јавно комунално претпријатие да пристапи и до поодалечените села во општината со цел да обезбеди одлагање на отпадот, информираат од Општина Брвеница.
Договорот со јапонската амбасада е во рамки на нивната државна ГГП грант програма за мали проекти за човекова безбедност во Република Северна Македонија, чија цел е подобрување на основните човекови потреби.
ас
