Општина Желино ја промовираше ГИС (географски информационен систем) платформата со која граѓаните преку интернет ќе може да добијат изводи од деталните урбанистички планови, информации за градежни парцели и други податоци за катастарски ситуации на општинското подрачје. Желино е прва општина во полошкиот регион која ја воведува оваа можност.
-Отвораме нова платформа како прва рурална општина што ќе се воведеме ГИС Платформа со тоа што овозможуваме на сектор на урбанизам и на граѓаните на побрз начин, поефикасно и на потранспарентен начин да добијат информации. Што значи сите детални урбанистички планови за кои требало една или две недели за да се издадат сега ќе се издаваат за една минута. Со ова чекориме напред во аспект на транспарентност и брз сервис кон граѓаните, изјави градоначалникот Блерим Сејдиу.
За изработка на оваа веб платформа општината доби финанска поддршка од владиното Биро за регионален развој.
-Цел полошки плански регион и сите општини треба да воведат ваков начин на издавање на информации и податоци. Сите општини од овој регион аплицирале со таков проект со што ќе овозможуваат на граѓаните во секој момент да видат детални урбанистички планови па и извод од ДУП, истакна Рамиз Реџепи, од Биро за регионален развој.
Според Фатмир Саити, директор на полошкиот плански регион воведувањето на оваа платформа покрај скопските градски општини овозможува овие општините да бидат понапредни во комуникацијата со граѓаните и олеснување на нивните потреби за добивање вакви податоци.
А.С
