Општина Тетово го исплатила делот за основачки влог на регионалното јавно претријатие „Русино-Полог“, информираше денес градоначалничката Теута Арифи, со што вкупно три од девет локални самоуправи го направиле тоа со цел да профункционира регионалната депонија Русино.
В.Д директорот на јавното претријатие Бесим Догани на 22 јуни информираше дека ден претходно видел уплата само од Гостивар и Теарце, иако општините на состанок на полошкиот плански регион се обврзаа да ги исплатат вкупно 20 илјади евра до 15 јуни.
-Основачкиот влог ние го исплативме како Општина. Ние имавме обврска да исплатиме се работеше за 300 или 400 илјади денари. Се надевам дека и другите општини ќе го исплатат. Ние имаме заедничка одлука сите претседатели на општини, на состанокот, веќе нема потреба никој од нас да ургира, сите се договоривме да ги исплатиме парите од оснивачкиот влог. Можам да апелирам ако случајно некој не го направил да го тоа направи и после тоа малку да си добиеме припомош од Министерството за екологија тоа да почне да биде функционално, изјави денес градоначалничката Теута Арифи.
В.Д директорот Бесим Догани информираше дека од вчера на сметка ги имаат средствата од Тетово, а ги очекуваат и останатите.
-Остануваат уште шест општини од полошкиот регион да платат за основичкиот влог. До 18 август треба според договорот да се завршат градежните работи во самата депонија. Со тоа се надеваме дека до 20 август ќе имаме функционална депонија со влез и излез, со контролен центар, со електронска мерна вага и ќе остане да отвориме оглас за тројца вработени за обучени оператори на електронска вага и со тоа ќе се заврши овој круг да се профунцкионриа да и се овозможи одлагање смет во Русино, истакна Бесим Догани.
Регионалното јавно претријатие „Русино-Полог беше формирано на конститутивна седница на 31 декември 2020 година, но досега немаше активности. Според министерот за животна средина Насер Нуредини кога општините ќе ги дадат средствата, од Европската банка за обнова и развој (ЕБРД) се очекуваат повеќе милиони евра за камиони, контејнери и понатамошно активно работење на претријатието.
А.С
