Општина Тетово до 17 часот бележи 40,01 % излезност на гласањето за вториот круг од локалните избори. За десет часа гласале 32.718 од вкупно 85.577 избирачи.
Во споредба со првиот круг од гласањето, излезноста е зголемена бидејќи на 17 октомври гласаа 33,24 проценти од населението евидентирано во избирачкиот список, покажуваат податоци од Општинската изборна комисија Тетово.
Во руралните општински центри излезноста е помала -Боговиње 31,08 % или 8796 од 28.307 граѓани, Брвеница 36,70 отсто или гласале 5770 од 15.732 избирачи. Во Теарце досега гласале 7.004 од 22.450 граѓани со право на глас или 31,22 %. Желино бележи излезност од 38, 22 % односно гласале 9357 од 24.485 избирачи.
