Училиштата во рамки на Општина Тетово се подготвени за почеток на второто полугодие од утре информираше денес на седница на Советот, раководителот на Секторот за јавни дејности Назми Даути. Тој рече дека ќе се почитува одлуката на Владата за физичко присуство на учениците со спроведување на соодветните мерки за заштита од ширење на Ковид-19.
-Ние сме цело време сме во координација со директорите, нашата препорака е да се почитуваат сите мерки според Комисијата за заразни боелсти. Дали има ученици или наставен и административен кадар заболени од оваа болест ќе се знае утре кога ќе започнат со работа. Утре ќе знаеме дали некој од кадарот или учениците кои се заразени со Ковид ако нема да бидат присутни. Верувам дека ќе има нормално одвивање на наставата. Тоа е подобро и за учениците бидејќи со онлајн наставата се губи редот, а вака е подобро нормално ако се почитуваат мерките за заштита, изјави Назми Даути.
Од друга страна советникот Ратко Давидовски кој воедно е доктор специјалист по здравствена екологија и хигиена во Центар за јавно здравје Тетово истакна дека не се сложува да има настава со физичко присуство.
-Од прво до трето би требало со протоколи, а сега со омикрон варијанта и двојно повеќе да има мерки. Опасноста е по здравствените рабориници. Сите заболени се со умерена клиничка слика но навистина се плашам што ќе се случи. Сметам дека ние имаме константен бран на заболени со различни пикови кој сега со почеток на наставата ситуацијата ќе биде сложена. За бројките што се намалуваат сметам дека е поради недостаток на реагенси, по аптеки ако прашате ќе стане јасно дека народот таму купува антигенски тестови се тестира дома и се лечи по интернет, изјави д-р Ратко Давидовски.
Советниците на денешната шеста седница донесе даде согласност за годишните финансиски планови на сите основни и средни училишта.
ас
