Општинската организација на СДСМ Тетово во иднина ќе ја предводи Живе Алексовски на местото од досегашниот претседател Илија Димитриевски. Алексовски на социјалните мрежи објави дека денес е поставен на оваа позиција.
-Да се биде претседател на ОО СДСМ Тетово, е огромна привилегија но и одговорност, еден сериозен политички предизвик лично за мене, но и за тимот со кој што ќе ја водиме Општинската организација. Предизвикот го прифаќам, и подготвен сум целосно да ја оправдам довербата, порача Живе Алексовски.
Новиот претседател објави фотографија со досегашниот предвоник на општинската организација Илија Димитриевски.
-Денес добив одлука со која заврши мојот мандат на функцијата претседател на општинската организација на СДСМ во Тетово, со изборот на нов претседател на општинската, другарот Живе Алексовски, на кого јавно сакам да му го честитам именувањето. Во овој краток мандат имаше многу работа, локални избори, два внатрепартиски избора за претседател на СДСМ, неколку општински конференции, лелосна реевиденција на членството на општинската, многубројни состаноци и активности, За целиот ангажман Ви благодарам на сите, порача Илија Димитриевски.
Со одлука на претседателот на СДСМ Димитар Ковачевски за претседател на општинската Организација на СДСМ Јегуновце е назначен Веле Ристовски, а на ОО СДСМ Теарце Лазар Ѓорѓевски.
