Во неколку училишта ќе се подели медот кој беше пристигнат од 370 натпреварувачи во рамки на третиот меѓународен натпревар за квалитетот на медот „Tetovo Honey Award 2021“. Ќе се доделат 450 тегли од по половина килограм, а медот сега се донира затоа што завршија сите анализи.
Медот се оценуваше на 3 октомври на Универзитетот во Тетово во рамки на органолептичка анализа за вкус, арома и изглед по што беше спроведена и неколку неделна микробиолошка анализа во лабораториите на тамошниот Факултет.
-Денес се донираше мед во основно училиште „Коста Рацин“-Брвеница, а понатаму во ОУ „Гоце Делчев“ и ОУ „Лирија“ во Тетово како и во едно училиште во Кичево, информира Владимир Петровски од Здружението Полошки мед.
На натпреварот што го организираат здруженијата Полошки мед и Градот на пчелите учествуваа 370 пчелари од 22 различни земји, вклучувајќи ги речиси сите континенти. Наредната недела ќе се доделат златни, средбни и бронзени медали за учесниците.
фотографија-УТ
