Паркот до музичкото училиште во Тетово станува ученичка градина со декоративни цвеќиња и зеленчукови и овошни култури. Денес ученици од основните училишта засадија цвеќе и зеленчук, откако местото беше расчистено од отпад и израмнета земјата. Учениците од ОУ „Кирил и Методиј“ добиле грант од Институт за истражување во животна средина на проект во кој освоиле прво место. Средствата беа искористени за создавање на градината.
-Ова е дел од иницијативата „Засади ја твојата иднина“. Да се зголеми зелена површина во градот, а тоа да биде на местата кои што се подзаборавени и истите по пример од европсктие земји учениците посакаат да посадат не само цвеќиња тукуи зеленчуци кои утре некој ќе може да ги земе, изјави наставничката Марија Костовска.
За реализација на идејата за ученичка градина од општина Тетово беше определена локација, а работници на комуналното претријатие ги отранија отпадоците и ја израмнија земјата.
-Важно е што иницијативата доаѓа од младите. Сметаме дека зелените површини се на сите и што повеќе сите работиме на тој случај тогаш и одржувањето ќе биде полесно. Сите вакви иницијативи ние ќе ги поддржиме не само со зборови туку и со работа, изјави градоначалничката Теута Арифи.
И останатите ученици од другите училишта ќе може да придонесат со работа во одржување на ученичката градина.
