Во основното училиште „Гоце Делчев“ во Тетово денес беше организиран отворен ден. Учениците се претствија со настапи во рамките на културно уметничка програма на тема “Традиции во нашата земја“. Исто така направија ликовни творби и графити со пораки за заштита на животната средина.
-Ова е проект во рамки на предметот граѓанско образование низ цела Македонија. Учениците стекнуваат искуства за изразување иницијатва со цел да се организираат и да променат нешто во нивната околина и во училиште. Понатаму ќе имаат искуство да учествуваат како граѓани и да бидат активни во општествено политичкиот живот, изјави наставничката по граѓанско образование Добрила Веселиновска.
-Сите ученици се претставија со проекти и активности кои ги работеле досега во годината и изминатите години, како и работата на секциите. Имаме ритмички точки и традиционални песни и ора. Вклучени беа училишниот хор и оркестарот, изјави Соња Трифуновска, одделенски наставник.
Презентирана беше и традиционална храна карактеристична за тетовскиот крај.
