На пригоден комеморативен собир денеска беше откриена спомен биста во тетовска Брвеница, родното место на Жарко Кузмановски, еден од осумината припадници на специјалната антитерористичка единица „Тигар“кои загинаа во акцијата во Куманово на 9 мај 2015 година. На отркивањето на бистата присуствуваа највисоките функционери на МВР, САЕ „Тигар“, СВР Тетово, Општина Брвеница и здруженија на бранителите.
-Жарко Кузмановски го заслужи своето место меѓу бесмртните, меѓу сите наши херои кои оставија вечна трага во историја на нашата татковина. Но и аманет за иднината на генерациите што доаѓаат, бидејќи не постои државата во чии темели не се вградени животите на нејзините најхрабри синови. Така и нашата татковина е создадена од безрезервната жртва дадена од токму нејзини херои, наши браќа и синови, татковци и другари и пријатели. Ова е вечен спомен кон незаборавот кон Жарко, не е отплата на долгот кон него, оти она што тој како и другите негови колеги и соборци не задолжиле се враќа само со хумани професионални благодордни дела со се она добро, чисто и честито. Загубата е ненадоместлива и речиси невозможно да се исполни празнината што ја имаат блиските, порача во својот говор министерот за внатрешни работи, Оливер Спасовски.
Беше пример за вистински професионалец и имаше несебична љубов кон колегите и единицата. Животот го загуби како лидер на тим во Куманово во извршување на службени задачи. Остави аманет да продолжиме да го следиме неговиот пат по кој чекореше, порачаа од неговата единица.
-Жарко беше вистински пример на храброст и патриотизам, а воедно и несебичност и пожртвуваност за единицата и државата. Од страна на претпоставените беше препознаен како човек со висок потенцијал и на него се сметаше како еден од припадниците кои треба да ја градат иднината на единицата. Како потврда на сето тоа е неговото унапредување во лидер на тим кој ги поседува сите суштински карактеристики на еден вистински лидер, советник, обучувач ментор, истакна претставникот на САЕ „Тигар“, Стефан Соколов.
Во име на Секторот за внатрешни работи пригоден говор и благодарност за Жарко упати портпаролот Марјан Јосифоски.
– Секојдневно го има Жарко во споменот кој не бледнее, кој ги исполнува сеќавањата на сите кои беа со него како дел од специјалните антитерористичка единица, се дружеа и делеа добро и лошо и докрај останаа сплотени во едно-во силна тигарска тупаница против криминалот, внатершни и надворешните непријатели на нашата земја. Жарко сега денеска е горе и севезеден сум сигурен грижливо бдее над неговата Брвеница, над семејство на кое толку многу му значеше и два пати по уште толку искрено го сакаше, над родителите и блиските кои за навек ќе останат со него во мислите, срцата и душите. Овој јунак македонски херој го даде највредното од себе. Го положи животот и заслужи место меѓу вечните, меѓу коие кои имаат само датум на раѓање, истакна Марјан Јосифоски.
Кузмановски загина на 34 години, а остави зад себе двајца малолетни синови, сопруга и родители. Спомен бистата е поставена во центарот на Брвеница, меморијалниот комплекс во дворот на црквата Свети Атанасиј.
ас
