Вчера и ноќеска (17 и 18 април) на поширокото тетовско подрачје вкупно откриени и санкционирани се 13 лица (ТЕ-4 и ГВ-9) кои ги управувале возилата без положен возачки испит и валидна дозвола за тоа.
Сите се исклучени од сообраќај и изготвени им се соодветни поднесоци по член 225 од Законот за безбедност на сообраќајот на патиштата, а ќе треба да платат парична глоба од 250 евра во денарска противвредност. Толку изнесува паричната глоба и за сопствениците на возилата кои им ги дале на управување, иако знаеле дека немаат адекватна дозвола.
Секторот за внатрешни работи Тетово уште еднаш потсетува – да не се седнува зад волан без положен возачки испит, без разлика дали станува збор за мотоцикл, патничко или товарно возило.Зашто, на тој начин лицата ја доведуваат во прашање сопствената и безбедноста на другите учесници во сообраќајот, бидејќи необучените и неискусни возачи често пати тешко се снаоаѓаат и го нарушуваат нормалното и безбедно движење на возилата и пешаците.
СВР Тетово наскоро ќе стартува со превентивно-едукативен проект посветен токму на управувањето без дозвола, со кој ќе бидат опфатени ученици од средните училишта од регионот.
