Од печат излезе книгата „Етимолошки преглед на Тетовскот Бревно“ од авторот Душан Синадиновски, што претставува колекција на правни акти за имотот на црквата Света Богородица во Тетово. Трудот претставува дополнување на првата книга на оваа тема „Етимолошки преглед на повелбата од крал Душан за црквата Света Богородица Тетовска“.
-Терминот бревно доаѓа од грчки збор, што во превод на македонски јази попис, поточно попис на подарените и купените земјишни поседи. Бревното има големо историско значење за Полог од правен, социолошки, географски и културен аспект. Во него се дадени имињата на дарителите, црковните старешини кои ги купувале имотите, под какви услови за која цел, каде се наоѓале и кои им биле меѓите. Забележани се и неколку површински и тежински мерки кои биле укинати за Полог. Во пописот се опишани исто така и неколку судски спорови за кои се донесени правни решенија и од кои се дознава за начиниот на кој биле донесувани пресудите, наведува авторот Синадиновски во воведот на книгата.
Бревно настанало во средината на 14-тиот век во Хиландарскиот манастир. Тоа е српски превод од оригиналниот грчки документ кој не е сочуван.
-Старословенскиот раковопис во овој труд е преземен од текстот кој е објавен во монументалното дело „Споменици на средновековната и поновата историја на Македонија“- том III од Лидија Славеве и Петар Миљковиќ-Пепек, уредник Владимир Мошин.Мојот интерес кон проучување на Бревното на Света Богородица Тетовска пред се е предизвикан од непроценливото богатство од историски податоци за имињата, селата и места и луѓето во полошкиот регион во 14-тиот век. Овозможува еден значаен ретроспективен поглед на лексиконот и на граматиката од македонскиот средновековен јазик што бил користен при составувањето на правните акти на тој ракопис. Овој текст е со двојна намера да се објасни етимилошкото потекло на цеиот зборовник во текстот и да се утврдат локациите на исчезната села, топоними, патишта, реките и други места и предмети кои се забележани во Бревното, потенцира Душан Синадиновски.
Авторот е роден 1949 во тетовска Вратница, а живее и работи во Детроит во Соединетите Американски Држави. Синадиновски трудот го има направено токму во Детроит. Тој е магистер по политичка филозофија и публицист, еден од двајцата автори на познатата Вратничка енциклопедија.
А.С
