Учениците од ООУ „Андреа Савески Ќиќиш“ спроведоа еколошка акција, која опфати уредување на дворот, чистење во и надвор од училиштето. Учесниците на настанот собраа голема количина на отпад, пластика, најлонски кеси и друг вид на отпаден материјал, а беа и поставени пораки за заштита на животната средина.
-Целта на ваквата акција е подигнување на јавната свест кај сите чинители во однос на секојдневното третирање на прашањето со јавната хигиена и екологијата.Секој носи одговорност и треба да донесуваме правилни одлуки, затоа што ако ја загадуваме животната средина – го загрозуваме и нашето здравје“, порачуваат од училиштето.
Учениците во склоп на предметот Граѓанско образование заедно со стручната служба на училиштето ја покренаа оваа иницијатива, по што ќе следи отворен ден во училиштето.
А.С
