Неколку бандери и сообраќајни знаци беа оштетени викендов во Тетово откако во нив со неговото возило удрил жител на гостиварското село Чегране. Поради овие оштетувања на кружниот тек на булеварот „Видое Смилевски-Бато“ и улицата „Браќа Миладинови“ ноќеска дел од жителите од тој дел на градот повеќе часови беа без електрична енергија и интернет врска. Денес екипи на повеќе компании работеа на санација на штетите.
-Во неделата околу 2 часот и 35 минути се случила сообраќајна незгода на кружниот тек кај улиците „Видое Смилески Бато“ и „Браќа Миладинови“ во Тетово. Патничко возило марка „Мерцедес“ управувано од шеесет и пет годишниот М.Б. од гостиварското село Чегране, движејќи се по булеварот „Видое Смилески Бато“ во еден момент изгубило контрола врз возилото и излетало од коловозот. При излетувањето оштетило 4 метални држачи за сообраќајни знаци поставени на кружниот тек, три бандери и еден сообраќаен знак. Возачот поминал без посериозни повреди. соопштува портпаролот на СВР Тетово Марјан Јосифовски.
Истрагата за причините за оваа сообраќајна незгода се во тек, потенцираат од полицијата.
ас
