Секторот за внатрешни работи Тетово продолжува со континуираните контролни активности на возилата кои вршат јавен превоз на патници, пред се на автобуси и комбиња. Вчера (21 јуни) од 6 до 10 часот спроведена е засилена акциска контрола во која вкупно се откриени и законски санкционирани 5 прекршоци (ТЕ-1 и ГВ-4).Три од прекршоците (ТЕ-1 и ГВ-2) се однесувале на неисправни сопирачки, а 2 (ГВ) на неизвршен технички прглед.
Неисправните возила веднаш се исклучени од сообраќај и на сите прекршители изготвени им се соодветни поднесоци. Покрај ова, едно возило (ТЕ) не поседувало потребни документи и против него ќе следува поднесок по член 284-а од Кривичниот законик. При контролата, исто така, констатирани се и 4 други видови сообраќајни прекршоци (ТЕ-1 и ГВ-3).
Секторот за внатрешни работи Тетово апелира и потсетува возачите да не тргнуваат на пат без претходно да ја проверат техничката исправност на нивните возила, особено оние кои планираат патување на подалечни летни, туристички дестинации, но и сите други.
До нив се апелира, исто така, да не седнуваат зад волан недоволно одморени или под дејство на алкохол, по пат повремено да застануваат и да се освежат и максимално да ги почитуваат сите сообраќајни правила и прописи и пред се брзината на движење.Со тоа, најнепосредно ќе придонесат за сопствената и безбедноста на другите учесници и нема да се изложуваат на несакани ризични ситуации со непредвидливи размери и последици
