Околу 140 планинари успеаа да ја поминат патеката долга речиси 15 километри од Вешала до Караниколичко езеро на 2200 метри надморска височина на Шар Планина, а потоа и да се капат во овој живописен дел на Шар Планина. Во организација на планинарскиот клуб Тетекс во неделата од Вешала на 1256 метри надморска височина започна искачувањето кон Караниколично Езеро долго 4 часа во еден правец.
-Скоро сите што стигнаа до Караниколичко Езеро посакаа и се капеа. Патеката од Вешала беше долга речиси 7,5 километри во еден правец и во летни услови кога е топло со високи температури голема е желбата за разладување и релаксирање во вода. Секако тоа планинско езеро има драстично пониска температура и од воздухот и вообичаено од другите езера. Сепак со постепено прилагодување и адаптирање се исполни желбата за планинарење и капење на 2200 метри надморска височина. На езерото се седеше до кај 15 часот кога се трга назад кон Вешала, изјави Снежана Новаковска од ПК Тетекс.
Во август планинарскиот клуб Тетекс организира искачување до врвот Кобилица на 2528 метри надморска височина како и на Титов врв на 2747 метри.
