Планинарскиот клуб „Љуботен“ од Тетово в сабота ќе отвори Инфо центар за Шар Планина. Покрај свеченоста по повод отворањето на центарот, присутните ќе имаат можност да проследат и проекции во рамки на фестивалот на планински филм „ЕХО“
-Инфо центарот ќе биде можност за добивање информации за сите авантуристички, спортски и рекреативни активности на Шар Планина. Заинтересираните ќе можат да остварат комуникација околу планинарење, разгледување и сместување на планината. Ќе може да набавуваат сувенири и останати предмети и материјали кои ќе бидат изложени во Инфо центарот. Инфо центарот ќе има веб страница и профили на социјалните мрежи за споделување на разни информации, на пример поврзани со временските услови на Шар Планина за планинарење и слично, информираат од клубот.
Свеченото отворање е предвидено за во сабота од 18 часот со пригодни обраќање, додека филмовите ќе се следат во големата сала на музичкото училиште „Тодор Скаловски – Тетоец“.Инфо Центарот се наоѓа во објект соседна просторија на ПК „Љуботен“ на улицата „Кузман Јосифоски-Питу“ во Тетово.
ас
