82 годишна жена излегувајќи на набрзина од семејната куќа во тетовско Теарце поради пожар паднала и ја повредила ногата. Пожарот се случил рано утринава околу 5 часот.
-На пожарот во куќата во Теарце интервениравме со 2 возила и шест пожарникари. Од огнот има голема материјална штета. Сметаме дека со интервенцијата спречивме да се прошири пожарот на куќа залепена до објекто каде имаше пожар. Повредена е мајката на сопственикот на куќата, која беше однесена со Брза помош во клиничка болница за укажување медицински третман, изјави Ука Алити, командир на Тетовската противпожарна единица.
Неколку часа претходно тетовската пожарна интервенирала на пожар во фабрички погон за производство на мебел во селото Непроштено.
-Огнот започнавме да го гасиме околу 19 часот и до 20 часот беше локализиран и ликвидариан. За среќа без повредени,рече Алити.
На пожарот во Непроштено интервенирале 7 пожарникари со три возила.
