Граѓанската иницијатива „Подобро за Тетово“ реагираше на соопштението на Општина Тетово и потенцираат дека тие немаат побарано да прекинат градежните работи на улицата „Страшо Пинџур“ . Тие објаснуваат дека како советници немат ниту една извршна функција во општина Тетово, па затоа немаат механизми за запирање или продолжување на работата во градот.
-„Подобро за Тетово“ нема побарано забрана за работа на улицата „Страшо Пинџур“, одлуката за стопирање на работите е самоволна и е еднострана одлука на раководството на Општина Тетово. Во својата досегашна работа„Подобро за Тетово“ секогаш се водела од интересите на граѓаните и принципот на конструктивен придонес. Така, ги ставивме нашите капацитети во служба на Општината за изнаоѓање решенија за проблемите со кои сите се соочуваме. Понатаму, не сме побарале размена на работни места или услуги за работата што ја работиме. Додека нашите советници редовно ги донираа своите плати за проекти за доброто на градот. Ова се убедливи докази за нашиот позитивен пристап кон Тетово и неговите жители, велат од иницијативата.
Потоа велат дека нивната вчерашна реакција е поврзана со загриженоста на граѓаните за штетите по животната средина и нетранспарентниот начин на работа.
-Јавно ја изразивме нашата загриженост, а заради транспарентност побаравме појаснување. Раководството на општината јавно вети дека ќе престане со непотребното сечење дрвја и ќе изнесе елаборати кои ја оправдуваат потребата од сечење други. Ја потсетуваме пошироката јавност дека новото раководство на општината се заколна дека животната средина и транспарентноста се главните столбови за кои се залагаат. Но, вчерашната акција и самоволниот прекин на работата денес го докажуваат спротивното. Го повикуваме општинското раководство да го надмине деструктивниот менталитет, да остане доследен на предизборните ветувања и пред се да ги стави интересите на граѓаните на прво место. Фабрикувањето спорови на штета на граѓаните за политичка корист е неразумно и се поклопува со менталитетот од минатото за кој тетовци се надеваа дека нема да се повтори, истакнуваат од „Подобро за Тетово“.
За да се избегне манипулација со јавноста, тие го повикуваат раководството на Општината да изнесе докази ао која нивната иницијатива бара прекин на работите на улицата „Страшо Пинџур“
