Тетовските пожарникари добија две нови возила- специјални камиони за гаснење пожари кои се донација од Данска. Камионите се обезбедени со залагање на Меџаит Љатифи доктор од тетовското село Доброште кој долги години живее и работи во Данска.
-Како резултат на една соработка противпожарникарската бригада доби два камиони со што се зголемува капацитетот на единицата за справување со пожари. Благодариме на општина Теарце за ангажманот и првичната нивна иницијатива и посебно докторот Меџаит Љатифи кој успеа да ги донесе камионите до тука, изјави градоначалничката Теута Арифи.
-Мотивот бев многу за оваа иницијатива знаејќи дека народот има проблеми со многу пожари, изјави Меџаит Љатифи.
Камионите биле наменети за општина Теарце но бидејќи се уште нема такви единици во рурални општини надлежност на возилата е префрлена на општина Тетово.
-Се надеваме дека законските измени ќе придонесат да се создаваат одделенија на пожарната во руралните места, рече Исен Асани, градоначалник на општина Теарце.
Станува збор за едно главно навално возило камион за гаснење пожари како и еден камион цистерна.
Првото возило е главен камиотн за гаснење пожари со сета пропратна опрема, а цистерната претставува логистика за навалното возило, рече Ука Алити, командир на тетовската противпожарна единица.
