Тетовските пожарникари денес информираа дека оствариле средба со градоначалничката Теута Арифи на која е договорено општината да ги исполни барањата. На средбата биле претставниците на синдикатот на пожарникарите, градоначалничката и раководителите на тетовската територијална противпожарна единица.
-Договорено е да разликите во проценти да се нивелираат согласно општиот и колективен договор како и да се додаде графа за прекувремена работа. Градоначалничката беше согласна и даде збор дека ќе издејствува во новиот буџет за 2021 за општина Тетово да ги внесе сите предвидени обврски за додатоци за работа ноќе, прекувремена работа и да се исплаќа храна за работа ноќе, изјави Горан Ристевски, претседател на гранковиот синдикат при независниот синдикат на државата администрација.
Пожарникарите истакнаа дека ќе чекаат до понеделник да видат дали ќе биде реализирано ветувањето на градоначалничката.
-Во понеделник има седница на Совет околу буџетот на општина Тетово. Бргу ќе се дознае дали зборот е збор. Сметам дека е понеделник е денот Д и се надевам дека ние ќе биде уверени дека работодавачот ќе ги исполни нашите барање. Мора да помине на Советот за да се овозможат средтсва за исплата, во понеделник ќе знаеме дали ќе има протести или не, истакна Ристески.
Во делот на досегашните судските постапки треба да има повторна средба и наоѓање начин за исплата.
-Остана да го регулираме овој проблем до 30 декември како синдиакти ќе направиме разговор со членовите на синдикатот за да видиме што понатаму. Координативно тело на синдикалната организација ќе одлучи дали ќе продолжиме со протестите кои се во мирување, рече Ристевски.
Пожарникарите одржаа протести во петокот и понеделникот во кругот на тетовската територијална против пожарна единица, поради неисполнетиот договор од страна на општината и градоначалничката во јуни 2019 година.
А.С
