Тетовските полицијци вчера имале задача во рамки на акциска конторла да проверат колку возачите правилно претекнуваат, но при тоа се откриени повеќе други сообраќајни прекршоци. Акцијата на службениците од полициската станица за безбедност во патниот собраќај се спровела од 10 до 17 часот.
-Во рамки на седумчасовната акциска контрола откриени се и санкционирани 48 прекршоци за неправилно претекнување, додека дури 64 казни се за други прекршувања на сообраќајните правила и прописи, како што се зборување на мобилен, телефон, нерегистрирани возила, управување без возачки дозволи, неносење заштитни маски и друго. На возачите кои непрописно престигнувале изготвени им се соодветни поднесоци и ќе се соочат со парична глоба од 40 евра во денарска противвредност, инфомира Марјан Јосифоски, портпарол на полицијата.
Контролата е реализирана на регионалните патишта Тетово-Волковија и Тетово-Јажинце, како и на повеќе улици во Тетово.
А.С
