Во периодот од февруари до октомври, се бележат повеќе зголемувања и намалувања на бројките на заболени и починати од Ковид-19, покажуваат податоците кои ги објави Центарот за јавно здравје Тетово. За овие девет месеци во октомври и јуни се бележат најголемиот број на заболени. Најмногу има 740 во октомври и 487 во шестиот месец од 2020 година.
Од друга страна, според податоците кои ги објавува Министерството за здравство за тетовскиот регион само во периодот од 1 до 15 ноември има 963 заболени лица, а 31 лице е починато.
Според бројките на ЦЈЗ Тетово во јуни се бележат најголемиот број на смртни случаи 34, додека во октомври иако има најмногу заболени во тој деветмесечен период има 13 починати лица. Поголем број починати лица се бележат во јули кога има 17, и во мај кога има 15. Иако во август драстично се намалија бројките на заболени во споредба со јуни, во септември имаше повеќе заболени.
Во Ковид-центарот во клиничката болница исто така велат дека иако од февруари до октомври има промени во бројките на лица кои имаат потреба за болничко лекување, сега во ноември има најмногу. Промените се и на неделно ниво.
-Овде исто така имало периоди кога имало различен број на пациенти, имало по 2-3, па имало 5, па еден. Сега имаме 44, а имаше 51 пред седум дена. Може да е затишје пред бура, но иако мислиме така,нека се случи да се намали бројот. Ако треба цела клиника ќе биде реорганизирана за да може целиот персонал да биде на помош на Ковид центарот. Ова што беше намалено, не го очекуваме. Многу влијае како народот ќе се однесува надвор. Мора да се сфати сериозно затоа што зимата ќе трае и во јануари,февруари и март и не знаеме како ќе биде, изјави д-р Гзим Нуредини, координатор во Ковид центарот.
Во текот на вчерашниот ден починале две лица во Ковид-19 центарот.
А.С
