Почина Станоја Глишиќ, првиот градоначалник на тетовската рурална општина Брвеница. Тој беше градоначалник на Брвеница по формирањето во периодот од 1996 до 2000 година.
За починувањето известија од неговата партиска организација на СДСМ во Брвеница
-Денеска ненадејно почина нашиот сограѓанин, долгогодишен член ,активист и првиот градоначалник на општина Брвеница од редовите на СДСМ ,г. Станоја Глишиќ. Ќе го паметиме по неговата посветеност и делата што ги остави зад него, информираа од општинската организација на СДСМ Брвеница.
Глишиќ е роден 1947 година. Погребот е утре во тетовска Брвеница.