Почна да се реновира објектот „Спортски центар“ при општинската јавната установа детски градинки „Младост“ од Тетово. Овој објект е последниот од сите градинките во Тетово во кој ќе се изврши целосна внатрешна реконструкција.
-Ќе се врши малтерисување со абриб во цел објект, менување на олуци на објектот, поставување на нова ограда и влезни железни врати во дворот,промена на електрична инсталација-осветлување со лед панели, промена и санирање-каде има потреба и брусење и лакирање на паркет, промена на катните врати од дрвени со ПВЦ, промена на санитарија во санитарните чворови и други потреби што ќе се покажат при работа, како и изведба на спуштени плафони во 4 занимални, изјави Рамие Даути, директорка на ОЈУДГ „Младост“ Тетово.
Наредната година се планира да се работи на поставување на нови фасади на сите градинки како и средување на сите останати дворови освен на објектите Тетекс и Стара Градинка кои биле реализирани оваа година. Сите овие работи се изведуваат во соработка со Општина Тетово и од сопствените средства од градинката.
А.С
