По втор пат во овој месец во Клиничката болница во Тетово изведена е нов вид ретка операција. Денес успешно е направена операција за корекција на дијафрагма после трауматолошка повреда.
-Со најголемо задоволство го споделувам успехот на персоналот на хирургија и трауматологија на Клиничката Болница во Тетово за успешно извршување на операцијата, корекција на дијафрагмата после трауматолошка повреда. Тимот беше предводен од д-р Ферит Мухареми заедно со д-р субспец Илбер Бесими , д-р Фатмир Салиу, д-р Шпресим Ферати, со анестезиолог и реаниматолог д-р Минире Исени, инструментарка Пранвера и техничар Петар Спасиќ. Ваков вид интервенција за прв пат е извршена во нашата институција. Да се направи нешто за што сте повикан, да го правиш со посветеност, во своето место е божествено, информира д-р Илбер Бесими началник на одделот хирургија и трауматологија.
На 17 март за прв пат во Клиничката болница во Тетово беше извршена торакална (градна) оперативна интервенција – ресекција на тумор на второ десно ребро на предниот дел од градниот кош. Операцијата ја изврши специјалистот по торакална хирургија д-р Иван Карапетров.
А.С
