Здружението за култура и уметност „Иљо Антески-Смок“ од Тетово во рамки на шестата меѓународна културна манифестација „Денови на Иљо 2021“ на 23 октомври сабота го организира петтиот по ред интернационален фолклорен фестивал „Пелагија-2021“. Фестивалот ќе се одржи во Лешочкиот манастир со почеток од 13 часот.
-Интернационалниот дух на фолклорен фестивал „Пелагија – 2021“ годинава му го дава очекуваното присуство на културно уметнички друштва од Индија, Украина, Србија, Црна Гора и Бугарија. Од домашните културно уметнички друштва настапуваат „Мирче Ацев“ и „Китка“ од Скопје, КУД „Мислешево“ од Струга, КУД „Карпош“ од Крива Паланка, КУД „Јени Хасани“ од Чегране-Гостивар и домашниот фолклорен ансамбл „Иљо Антески-Смок“, изјави Милорад Ѓорѓевски, претседател на ЗКУ „Иљо Антески-Смок“.
Одржувањето на фестивалот е дел од активностите на Здружението кое годинава бележи 99 години постоење.
ас
