Две први, две втори и едно трето место освоија ученици од Тетово кои изучуваат пијано на петтиот по ред меѓународен фестивал „Полихимниа“, во организација на истоименото здружение на музички педагози од Скопје. Станува збор за деца до 9 години кои учествувале во пред-категоријата на најмлади музичари наречена Бамбини и за прва категорија родени 2008 и 2009 година.
Под менторство на професорката Теута Халими Селмани, прво место освоиле Деа Ајети и Тринга Беџети додека Беса Сали второ место. Со менторство на професорката Каролина Петровска Танеска, второ место освоила Јета Мазлами (IV одделение), а трето место Олгица Велјановска (VI одделение).
-Натпреварот се одржа онлајн така што учениците се снимени како настапуваат на пијано и снимките поставени на интернет, на Јутјуб. Потоа комисија на фестивалот ги прегледа снимките и ги оценуваше со бодови. Трите мои ученици освоија награди, две први и едно второ место, изјави професорката Теута Халими Селмани.
Полихимниа е натпревар за сите инструменти: пијано, хармоника, гудачки инструменти, жичани инструменти, соло пеење и камерна музика. Првата етапа е со испраќање на видео снимка на две композиции различни по карактер и стил, ограничени со времетраење наведено во пропозициите подолу.
Втората етапа треба да одржи од 4-ти до 6-ти декември 2020г. во Скопје, со настап на најдобрите натпреварувачи од сите категории кои покажале најдобар настап и имале најуспешни резултати во првата етапа.
