Членот на Извршниот комитет на ВМРО ДПМНЕ од Тетово, Александар Велјановски на прес конференција посочи на погрешно работење во Центарот за социјални работи во Тетово.
Погрешните политики и целосната партизација која сдсм и Мила Царовска ја прават во ресорот труд и социјала, нанесуваат огромна штета на најранливата категорија граѓани во Република Македонија, а тоа се социјално загрозените граѓани. Имено, со воведувањето на моделот на интегрирано водење на случај, без притоа да се обезбедат сите основни услови, социјално загрозените граѓани лутаат во Центрите за социјална работа, неможејќи да ги остварат своите права, истакна Велјановски.
-Во Центарот за социјална работа – Тетово се случува општ хаос кој што е предизвикан од нефункционирањето на овој модел. Според наши информации граѓаните непотребно се малтретираат и се препраќаат од една канцеларија во друга, лица со хендикеп се препраќаат од една институција во друга, незнаејќи кај кого да се обратат за да ги остварат своите права, истакна на прес конференцијата Александар Велјановски.
-За да биде појасно, во Тетово и тетовско има околу 15.000 корисници на социјални права, кои што се распределуваат на 10-тина стручни лица во Центарот за социјална работа Тетово. Новиот модел на работа и неспособноста на директорот на Центарот за социјална работа во Тетово да ја организира работата согласно новиот модел за интегрирано водење на случај доведува до застој и хаос во работењето. Според наши информации во Центарот се вработени околу 70 работници, но сепак новиот модел го спроведуваат само десеттина вработени, кои секојдневно трпат притисоци од директорот. Оттука го прашуваме директорот дали е точно дека во моментов се случува хаос со постапките во Центарот, и дали навистина има вработени кои одбиваат да работат или воопшто не доаѓаат на своите работни места. Исто така сакаме да прашаме дали не се превземаат никакви мерки поради нивната партиска припадност?, истакна на прес конференцијата Александар Велјановски.
-Непрофесионалноста во менаџирањето предизвикува револт кај корисниците и кај дел од стручните лица во Центарот кои најавуваат откази од своите работни места, предвремено заминување во пензија и слично. Дополнително, наместо проблемот со недостиг на стручен кадар да се решава со вработување на соодветни стручни лица, во Центарот во изминатиов период се вработуваат десетина партиски послушници, кои не можат да бидат водители на случај.
-Почитувани, владата на сдсм воопшто не води грижа за социјално загрозените категории. Почитувани граѓани, времето на катастрофалното владеење на СДСМ конечно завршува на 12 Април. После 12ти април, ќе започне вистинската Обнова на Македонија. Повеќе за секого, истакна на прес конференцијата Александар Велјановски.
