Претседателот на општинскиот комитет на ВМРО ДПМНЕ- Јегуновце Димитар Костадиновски на прес-конференција упати забелешки за работата на Советот на општина Јегуновце и градоначалникот. Порача дека ќе побара одговорност пред институциите за донесените одлуки.
-Градоначалник во заминување и покрај нашиот повик до Вас и до советниците од СДСМ и ДУИ да не се стави на дневен ред точката за доделување на бекатон плочки во населените места во Општина Јегуновце за време на распишани избори ја изгласавте одлуката за распределба од програмата за изградба и реконструкција и одржување на општинската патна мрежа за оваа година. Вие како градоначалник во заминување имате можност да не ја потпишете одлуката што е спротивна на изборниот законик. Доколку постапите спротивно ќе следат поднесоци до сите надлежни институции во државата, одговорност мора да има, изјави Димитар Костадиновски.
