Универзитетите се местата каде се дава придонес за развојот на човековите права, а таков пример имаме и тука на Универзитетот во Тетово, порача претседателот на Уставниот суд на Република Северна Македонија, Сали Мурати од пригодната трибина по повод Меѓународниот ден на човековите права 10 декември што се одржа на државниот тетовски универзитет.
-Треба да се радуваат граѓаните за слободите и правата. Уставот на државата гарантира слободите и првата како темелни вредности на уставниот поредок. По тој повод ми претставува особена чест и задоволство да бидам на Тетовскиот универзитет. Сите наши универзитети меѓу нив и Тетовскиот универзитет даваат поддршка за развојот и воздигнувањето на свеста на граѓаните за остварувањето на сопствените најосновни човекови права, истакна Сали Мурати.
Покрај претседателот на Уставниот суд, на трибината учествуваа потпретседателот на судскиот совет Милазим Мустафа и претседателот на Управниот суд Бурим Сејдини.
– Голем чест и задоволство е на нас Правниот факултет, да ја организирма оваа трибина со највисоките претставници на правосудните институции во државата. Денес се одбележуват 71 година од усвојувањето Универзалната декларација за човекови права, акт усвоен од Генералното собрание на Обединетите Нации на 10 декември 1948 година, во Париз, изјави Ќебир Авзиу, декан на Правниот факултет.
На трибината студентите на Правниот факултет имаа можноса да поставуваат прашања и да разговараат на теми со претставниците на судовите и професорите.
