Секторот за внатрешни работи Тетово информира за неколку настани кои се евидентирани во нивната служба.
Полициски службеници на СВР Тетово вчера (2 март) околу 15 часот, на улица „Љуботeнска“ во Тетово, ги лишиле од слобода Ј.С.(51) и Б.Љ.(41), двајцата од Тетово, затоа што при преглед им бил пронајден хероин. Тие се задржани во Полициската станица Тетово и по документирање на случајот ќе им бида изготвен соодветен поднесок по член 215 од Кривичниот законик за „неовластено производство и пуштање во промет на наркотични дроги, психотропни супстанци и прекурсори“.
Вчера (2 март) околу 21 часот и 20 минути, на улица „Илинденска“ во Тетово, полициски службеници на СВР Тетово го привеле 40-годишниот тетовец Л.Б.,кој се однесувал агресивно кон нив и непоседувал документи за идентификација. По расчистување на случајот ќе му биде изготвен поднесок по член 13 од Законот за прекршоци против јавниот ред и мир.
Ноќеска (3 март), половина час по полноќ, 23-годишната Д.Ф. од тетовска Шипковица во СВР Тетово пријавила дека околу 22 часот и 10 минути, додека со такси возило што го управувал И.А.(54) од истото село се превезувала кон селото, возачот нагло ја намалил брзината, а поради што таа се удрила во пластичен предмет и задобила тешки телесни повреди, констатирани во тетовскатa Kлиничка болница, каде била пренесена за укажување на лекарска помош. Се расчистува и документира случајот.
Полициски службеници на СВР Тетово вчеравечер (2 март) од 22 до 22 часот и 30 минути, спровеле акциска контрола во угостителски објект на улица „Димо Гавровски-Кара“ во Тетово, во кој откриле и санкционирале 2 лица кои непоседувале вакцинален сертификат и на кои ќе им бидат изготвени поднесоци, како и на сопственикот на објектот Ш.Б.(28) од тетовско Вешала за „непостапување според здравствени прописи за време на епидемија“, казниво по член 206 од Кривичниот законик.
Триесет и тригодишниот тетовец А.Р. вчеравечер (2 март) во 21 часот и 20 минути во СВР Тетово пријавил дека пред угостителски обејкт на улица „110“ во Tетово физички бил нападнат од И.Ч.(25) од Тетово кој, според пријавеното, во нападот употребил и остар предмет, но бил спречен од две други лица. Се преземаат мерки за целосно расчистување и документирање на случајот.
