Полицајци вчера околу 23 часот фатиле 26 годишник во Тетово откако со импровизирана направа предизвикал експлозија. Тој е задржан во полициската станица Тетово и по целосно расчистување и документирање на случајот ќе му бидат изготвени неколку соодветни поднесоци.
-Вчеравечер околку 23 часот, на улица „146“ во Тетово, полициски службеници на СВР Тетово го лишиле од слобода 26-годишниот тетовец Р.М., кој претходно со импровизирана направа шише со запалива течност предизвикал експлозија, ставајќи ја направата на ограден sид, а потоа се обидел да избега.
Младиот тетовец е евидентиран како случај на непочитување на забраната за движење и ќе се соочи со кривична пријава согласно член 206 од кривичниот законик. Воедно поради причинувањето на експлозија ќе биде пријавен и за предизвикување на општа опасност.
А.С
