Тетовски полицијци денес по претрес на дом на 26 годишник од градот најдоа 44 пакувања со марихуана по што осомничениот е приведен. Претресот бил реализиран со соодветна судска наредба.
-Полициски службеници на СВР Тетово денеска од 16 часот и 30 минути до 18 часот, извршија претрес во домот на Е.А. (26), на улица “Браќа Миладинови” во Тетово. При претресот, пронајдени му се вкупно 44 пакувања со марихуана. Тој е лишен ид слобода, а марихуаната е одземена за вештачење, информира портпаролот на СВР Тетово, Марјан Јосифоски.
По целосно документурање на случајот на осомничениот ќе му биде изготвен поднесок за „неовластено производство и пуштање во промет на наркотични дроги, психотропни супстанци и прекурсори“, согласно член 215 од Кривичниот законик.
